State Assembly Language

Updated: May 5

Instagram story poll-ah he zawhna hi ka zawt a



Research thenkhat hian survey-in mi 50 ai tam respondent an awm chuan rintlak a ni a ti a. IG ah hian, hemi ka ziah hunlai hian followers 587 vel ka nei ve arh arh a, chuvang chuan respondent tam tak pawh kan nei thei chiah lo na, mi 50 tehfawng chu kan kai vein, a result chu Good ti hi zaa mi 27 niin, Bad ti hi zaa mi 73 an ni. Engapawh chu ni se, a mi zat leh population a entir pha tih lama buai vak loin, he thu hi i han ngaihtuah ho hrim hrim teh ang.





Chhiar paha kan rilru lo awm turte

  • Mizote/ keini tia ka sawi hian Mizo nawlpui anga lak a ni

  • Mizo tawng hman dik lamah hian ka chaklo ang reng, ziahah phei chuan ka tha lo leh zual, in mi hriatthiamna ka dil e

  • Awmze neiloa tan lam nei tak (bias) lo thei ang bera ka ziah a ni; tan lam ka nei in tih chuan comment lamah khawngaihin

Mizote hian tawng dang hi kan thiam lo hle ti ila a sual lo. English kan thiam lutuk (fluent) loa, Hindi chu ‘kahase’, a nihna takah chuan Mizo tawng ngei pawh hi kan thiam em em chuanglo tih theih kan ni. Tawng thiam hnem hrim hrim hi thluak tan a tha em em — helam chu sawi zau hrih lo phawt ta ila. State Assembly-ah Mizo tawng ngialngana kan la kal thei hi thil dang zawng zawng angin thatna leh thatlohna tam tak a nei ngei mai vea, khawi zawk chu nge pawimawh tih chu, zankhua pawhin inhnial hlawm ta ila, thuthlukna kan nei thei kher awmloe.

Ni e, Nagaland te, Manipur, Meghalaya thlengin tawng hman tlanglawn bik pakhat chu an nei lo hle a, Tripura, Assam, Arunachal leh Assam chu sawi ngai lutuk loin vai tawngin a chiahpiah nasa hrim hrim tawh a. Keini chuan tawng khat hman bik kan la nei thei te hi chu a ropuiin a lawmawm hle zawk a ni. Fiamthu han thawh dar darte pawh a ti awl hlei hle zawk nghe nghein, assemly-a kan hotute han che tla han en vel te pawh a ti awl hlei hle a, youtube-ah pawh en tu kan ngah bikin engagement pawh a that bik viau chhante pawh a ni thei ang.


Chuti a nih rual chuan, tunhnai maiah kan Rajya Sabha MP, keini ngaiah chuan sap tawng tluang pangai taka thu a sawi anga kan ngaih chu, Rajya Sabha Chairperson, Honourable Vice President of India, Pu M. Venkaiah Naidu chuana floor-a thu a sawi lai chu, “You are speaking in Mizo?” tiin a zawt a nih kha. Min enhniamna a ni ang nge, a thil sawi a hre thei lo chu hriatthiam chiah a har a, mahse a hnunhnung zawk hi a nih kan ring mah a, a chhan chu hmunpuiah chutia in hmusit rawngkaia tawngkam neih chu an tih a rinawm loh zawk avangin. Pu Vena hian saptawng a thiamlo a ni hauh lo, a thil sawi chiag takin keini chuan kan hre thei mahse hnamdangte beng leh a tawng dan a inhmu lo a ni zawk, chuvang chuan tawng hi hnehsawh hrim hrim hi alo pawimawh ve khawp mai; Lalrempuia, National Youth Parliament Festival 2022 (NYPF) intihsiakna a thusawi te hi ngaithla ta ula a chiang angreng khawp mai (yt video link below). Tawng dan (accent) mawi lam pawh hi a ni chiah loa, mahse tawng fel leh fiah hi a pawimawh a ni.


Tun khawvel, globalised village kan tih tawh maiah hian saptawng hi a pawimawh telh telh dawn a, India rama kan awm chhung chu Hindi hi pawimawh telh telh dawn bawk. Kan tawng chu kan humhalh ngei ang, mahse Mizo tawng hi hnam dang nena thawhho nan chuan kan hmang em thei dawnin a beiseiawm loh a ni. Chuti a nih si chuan, heng tawng pahnihte hi kan hnehsawh ve ve hi a ngai, a tua te pawh hian Mizo tawng leh English emaw, Mizo tawng leh Hindi emaw a pathumin a thei deuh ten, kan ram tan hian a va pawimawhin a va tha dawn em. Rambuai eng ilo kan tawh pawhin tawnglo hnehsawh hrim hrim hian kan dikna pawh tarlan a awlsamin a chiang zawk dawn si a.

He kan poll-ah te khian North East India kan han thlurbing deuh bik a ni a, mahse South India lamah te pawh an tawng an hmang nasa-in Hindi an hmanglo kan ti thei ngei, mahse rin ai tak hian an tawng bakah English hi an lo hnehsawh tlangpui em em mai a, Hindi pawh za zela lak pawhin Mizote chuan kan tluk lo viau tho awm e. Tawng hrim hrim hi hman hnema thiam a ni bawk si a, sap naupang pawh a pian tirh atangin Mizoramah seilianin Mizo naupang kawm se, Mizo tawngin a dak zat zat dawn si avang hian, hman hnemna tur hmun hi kan insiam hnem deuh chu a tulin a lang.


Kan Assembly session-ah te pawh hian tawng dang, keini ah chuan English a ni mai anga, heti em em a lenglo hi chu a thalo zawk deuh mai em aw, tih a ngaihtuah theih a, kan ram hruaitute hi chuan an hnehsawh hi duhthusam a nih angin, kan session-ah te pawh hian han hmang ve deuh se a tha a ngem tih te chu rilru awm ve viau a ni. Kan chhim lam unau MLA-tein Mizo tawng harsat tak maia an han sawi hram hram te hi chu a lawmawm em em rualin, sap tawng hman awlsam an lo tih zawk hlauh leh an thil sawi tumte a chian phah zawk chuan an hman hi remtihpui em em ila, sap tawng bawkin kan hotuten chhawn bawk ta sela, bul tanna tha a ni nge maw chu?


Lalrempuia @NYPF2022


123 views1 comment