Thilsiam te Humhalh Zirlai 1-na: Inkungkaih leh in zawm vek kan ni- Dr. Lalani Kawlni

'Nungcha humhalh' kan tih hian ramsate leh an awmna hmun (ramngaw, lui, dil, tuipui, thlaler, phaitual etc) humhalh tihna a ni a. Khawvel leh a chhunga thil awm zawng zawngte hi kan inkungkaihna a thukin a nghet em em a. Sawi hian a siak lo a ni. A zir mi ten an zir chian zawh poh leh a thukna leh a nghehna an hria a, nasa takin min hual veltu 'environment' hi humhalh an duh tlat thin.


Thilsiam te hi maimawm ril ang maia inzawm chiat kan ni a. A zai ril tinin a zai dang a support a. A zai pakhat a chah pawhin a dang in alo support hram hram chhung chu maimawm tan chenna tlak ala ni. Nimahsela, a zai ril an chah hnem poh leh a la chat velo tan phurrit a na ting a, a zai tha te chuan an dawl zawhloh hun alo thlenga, maimawm tan chenna tlak loh ah a chang thin a ni.


Hetiang deuh chiah hi kan nia, mihring te leh kan chenna khawvel hi. Kan ram ah pawh boruak leh leilung kan ti bawlhhlawh in ramngaw kan suat nasat hle bakah, ramsa te kan that rem nasa a ni.


Nimahsela, mi tam zawk chuan kan environment humhalh nachang leh a pawimawhna kan la hrelo hle a, a pawi tak zet. Maimawm ril zai la chat velo ten min la support tawk tawk vang in kan ngaih alo tha veng veng ringawt em?


Khawvel sik leh sa in kan buh leh thlai mai bakah khuarel chhiatna leh natna te thlengin a nghawng a, heng vanga chhiatna lo thleng te hian ram rethei thei leh a chhunga khawtlang ah pawh a chaklo lo (mi rethei, nitin ei zawng chawp, naupang leh hmeichhia te) a nghawng nasa bik emem bawk si.


Kan ram zim te, hausa lo leh intodelh lo tak mai hi, a nihna takah chuan kan ram awmna a fal avang leh tlawhpawh a hlawh vak loh na te hian kawng tam takin min la chhanhim a. A chhunga cheng te erawh in kan duat lem lo viau tih chu helama thawk te tan chuan a chiang viau thung. Environment humhalh leh duat hi a tawpah chuan mihring dam khawchhuahna tur a ni si.

12 views0 comments

Recent Posts

See All

We want things fast and we want them now. From Maggi 2 minutes noodles to half-day Amazon deliveries, corporations are banking on the very desire that drives our behaviour and the model seems to be wo